Elordalyq shahmatshy qyz álemniń tórt dúrkin chempıony atandy
ASTANA. 20 mamyr. QazAqparat - Astanalyq toǵyz jasar qyz Bıbisara Asaýbaeva shahmattan Álem chempıonatynda tórtinshi ret altyn alyp otyr.
Bul týraly qalalyq Týrızm, dene tárbıesi jáne sport basqarmasynyń baspasóz qyzmetinen.
Bıylǵy jyly chempıonat grekııalyq Halkıdıkı túbeginde ótti. Oǵan qatysqan 52 qazaqstandyqtyń arasynda tek Bıbisara ǵana toǵyz múmkindikten 8,5 ball jınap, shahmat «tájin» ıelendi. 2011 jyldan beri jas shahmatshy Polshada, Brazılııada jáne Rýmynııada ótken álem chempıonatynda úsh ret úzdik shyqty.
Astana.kz saıtynyń jazýynsha, Bıbisara Asaýbaeva 2010 jyldan beri Astana qalasynda jattyǵyp keledi. Ol H.S. Omarov atyndaǵy shahmat klýbynyń tárbıelenýshisi bolyp tabylady. Jeke jattyqtyrýshysy Azamat Áýbákirov jas qyzdyń talantyna súısinip, maqtanysh etedi.
«Bıbisaranyń bul alǵyshqy úzdik shyǵýy emes, ol mundaı bas júldeni budan buryn da úsh ret jeńip alǵan. Jeńiske degen qushtarlyǵy úlken», - deıdi ol.
Sondaı-aq óziniń álem chempıonatyndaǵy debıýttik óner kórsetýinde Ámına Qaıyrbekova jeti jasqa deıingi sanatta kúmis medal alsa, 15 jasar Janat Saıyn «qolaǵa» qol jetkizdi», - delingen basqarmanyń baspasóz aıǵaǵynda.
