Elordalyq saıabaqtarda jeksenbilik jattyǵýlar ótedi
NUR-SULTAN. QazAqparat - 26 mamyrda elordada ashyq aspan astynda ótetin «Fitness Park Nur-Sultan» apta saıynǵy jeksenbilik jattyǵýlary qaıta uıymdastyrylady, dep habarlaıdy QazAqparat ákimdiktiń saıtyna silteme jasap.
Bıyl ákimdik barlyq elorda turǵyndaryna arnalǵan tegin sporttyq jattyǵýlardy «Astanalyq», «Botanıkalyq baq», «Jeruıyq» jáne «Jetisý» sııaqty tórt saıabaqta ótkizedi.
Kásipqoı mamandar jetekshilik etken buqaralyq jattyǵý saǵat 10:00-12:00 aralyǵynda ótedi. Alǵashqy sabaq aldymen Astanalyq saıabaqta ótedi, al qalǵan saıabaqtar sharaǵa 2 maýsymda qosylady. Jeksenbilik jattyǵýlar tamyz aıynyń sońyna deıin jalǵasady.
«Jazda «Fitness Park Nur-Sultan» tegin sport jattyǵýlary tórtinshi jyl qatarynan ótkizilmek. Ol úshin jyl saıyn keńinen tanymal sport túrleri tańdalady. Bıylǵy jattyǵýlar mynadaı sport túrlerinen ótedi: CrossFit, ıoga, boks, brazılııalyq djıý-djıtsý, Zumba, ústel oıyndary (doıby, shahmat) jáne toptyq júgirý», - deıdi Nur-Sultan qalasy Mádenıet jáne sport basqarmasynyń basshysy Bolat Majaǵulov.
Dástúr boıynsha «Fitness Park Nur-Sultan» aýqymdy jattyǵýlary Astanalyq saıabaqta ótkiziledi. «Jeruıyq» jáne «Jetisý» saıabaqtarynda jappaı sporttyq sharalar SrossFit, djıý-djıtsý jáne Zumba, Botanıkalyq baqta - SrossFit, djıý-djıtsý, Zumba jáne toptyq júgirý baǵyttary boıynsha ótkiziledi.
Sonymen qatar, 20 mamyrda, elordalyq saıabaqtarda balalar oıyn-saýyq baǵdarlamasy uıymdastyrylady. «Saıabaqtyń 7 ǵajaıyby» úsh jyldan beri kishkentaı elorda turǵyndary men qonaqtaryna qýanysh syılap keledi. Balalardyń súıikti keıipkerleriniń keıpindegi anımatorlardyń qatysýymen ótkiziletin shoý «Astanalyq», «Jeruıyq» jáne «Jetisý» saıabaqtarynda kúnine eki ret ótkiziledi.
«Saıabaqtyń 7 ǵajaıyby» shoý-baǵdarlamasynyń kestesi Nur-Sultan qalasynyń Mádenıet jáne sport basqarmasynyń @madeniet_sport.nursultan Instagram akkaýntynda jarııalanady.
