Elordalyq saqshylar zańsyz aınalymnan 60 keliden astam kúkirt qyshqyly men tuzdy silti tárkiledi
ASTANA. Naýryzdyń 30-y. QazAqparat /Marlan Jıembaı/ - Búgin Astana qalalyq ІІD naýryzdyń 10-y men 17-si aralyǵynda ótkizilgen «Dopıng» keń aýqymdy jedel aldyn alý is-sharasynyń birinshi kezeńin qorytyndylaýǵa arnalǵan baspasóz máslıhatyn ótkizdi.
«Shara barysynda elordalyq quqyq qorǵaýshylar esirtki jáne psıhotropty zattardy saqtaý, joıý jáne esepke alý erejelerin buzý faktilerin anyqtaý maqsatynda 4 emdeý-aldyn alý mekemesin, 7 dárihana men 3 qoımaǵa tekserý júrgizdi. Nátıjesinde atalǵan erejelerdi buzýǵa qatysty 2 is anyqtaldy. Sondaı-aq zańsyz aınalymnan 30,7 keli «Kúkirt qyshqyly», 31,5 keli «Tuzdy silti», 5 keli «Tolýol», 18,4 keli «Dıetıldi efır», 20 ampýl «Tuzdy siltiniń standartty tıtrlary» jáne 9 ampýl «Morfın gıdrohlorıdi» tárkilendi», deıdi Astana qalalyq ІІD Esirtki bıznesimen kúres basqarmasynyń bastyǵy Aıasyn Baıdildaev.
Onyń aıtýynsha, naýryzdyń 17-si kúni Esirtki bıznesimen kúres basqarmasynyń qyzmetkerleri Maqtumquly kóshesinde ornalasqan páterlerdiń birinen esirtki zatyn saýdalamaq bolǵan azamatty qolǵa túsirip, odan 2 keliden astam «geroın» tárkilegen.
«Atalǵan is boıynsha qylmystyq is qozǵalyp, tutqyndalǵan azamat ýaqytsha oqshaýlaý ornyna qamaldy. Aldyn ala tergeý barysynda onyń esirtki zatyn elimizdiń ońtústik óńirinen ákelgendigi belgili boldy. Qazirgi ýaqytta osy iske basqa azamattardyń qatystylyǵy tekserilý ústinde», dedi ol.
«Dopıng» is-sharasynyń alǵashqy kezeńi barysynda emdeý-aldyn alý mekemelerinde, dárihanalarda, dárihana qoımalarynda esirtki jáne psıhotropty zattardy saqtaý erejelerin buzý urlaý, esepke alý, bosatý, joıý faktilerin anyqtaý, sondaı-aq bilim ordalarynda, jastardyń kóńil kóterý oryndarynda atalǵan zattardy paıdalaný jáne taratýǵa jol bergen tulǵalardyń qylmystyq is-áreketteriniń jolyn kesý maqsatynda uıymdastyryldy.
