Elordalyq saqshylar urlyq jasaǵan 3 azamatty ustady
ASTANA. 15 naýryz. QazAqparat - Astana qalasynyń tártip saqshylary úı tonaý oqıǵasy boıynsha 14 naýryzda kelip túsken qala turǵynynyń aryzy negizinde jedel izdestirý sharalaryn júrgizip, jábirlenýshige qomaqty materıaldyq shyǵyn keltirgen urlyqshylardy ustady.
Bul týraly búgin Astana qalasy ІІD-de ótken baspasóz máslıhatynda málim boldy.
Turǵyn úı tonaý oqıǵasy Astana qalasynyń sol jaǵalaýynda oryn alǵan.
Tergeý amaldary barysynda anyqtalǵandaı, páter ıesiniń quny 250 myń teńgeni quraıtyn altyn buıymdary jáne tehnıkalyq zattary qoldy bolǵan.
«Quqyqtyq tártip» jedel izdestirý jáne qylmystyń aldyn alý sharasy barysynda júrgizilip jatqan shuǵyl iz kesý amaldary nátıjesinde elordalyq saqshylar atalmysh qylmysqa jaýapty 3 azamatty qolǵa túsirip, urlanǵan zattardy tárkiledi.
Іz jasyrmaq bolǵan qylmyskerler Qorǵaljyn postynda qolǵa túsken.
Qazirgi tańda qolǵa túsken azamattardyń biriniń buryn sottalǵandyǵy, al qalǵan eki azamattyń Astanaǵa ýaqytsha turýǵa kelgen aǵaıyndy Ekibastuz týmalary ekendigi anyqtaldy.
Tekseris barysynda kúdiktilerdiń aǵymdyǵy jyldyń 26 aqpanynda bolǵan ózge bir qylmystyq iske de qatysy bar ekendigi belgili boldy.
Kúdiktiler ústinen QR Qylmystyq kodeksiniń 175-babynyń 2-tarmaǵy boıynsha qylmystyq is qozǵaldy.
