Elordalyq saqshylar kópirden qulaý arqyly óz ómirin qımaq bolǵan jas boıjetkendi qutqaryp qaldy
ASTANA. 14 qazan. QazAqparat. Elordalyq saqshylar kópirden qulaý arqyly óz ómirin qımaq bolǵan jas boıjetkendi qutqaryp qaldy. 2011 jylǵy 12 qazanda saǵat 22.27-de «102»-ge belgisiz qyzdyń Syǵanaq kóshesiniń boıyndaǵy M-3 kópirinen qulap óz ómirine qııanat jasamaq bolǵany týraly habarlama kelip túsken, dep habarlaıdy Astana qalalyq ІІD baspasóz qyzmeti.
Oqıǵa oryn alǵan jerge jedel túrde Astana q. ІІD Patrýldik polıtsııa polkiniń «Antal-131», «Antal-132» avtopatrýlderi jiberilgen bolatyn, polıtsııa qyzmetkerleri osy faktiniń rastalǵanyn anyqtaıdy.
Jas qyz kópirdiń shetinde otyrǵan. Tártip saqshylarynyń ılandyrý sharalaryna kónbeı, 10 metr bıiktiktegi kópirden Esil ózenine sekirip ketedi.
Buny kórgen Patrýldik polıtsııa polkiniń qyzmetkerleri lezde qyzdy qutqarýǵa attanady. Polıtsııa serjanttary J.Abdrashıtov jáne M.Rahymjanov oılanbastan syrtqy kıimderin sypyryp tastap, muzdaı sýyq sýǵa sekirip, qyzdy qutqarady. Polıtsııa serjanty J.Abdrashıtovtyń aıtýy boıynsha, sol mezette meniń oıymda bir ǵana másele qyzdy qutqarý boldy, Tek jaǵaǵa shyqqan soń, ózimniń tonǵanymdy baıqap, meniń de ómirime qaýip tóngenin túsindim.
Qaıǵyly oqıǵanyń aldyn alyp, jaǵada tótenshe jaǵdaılar organy qyzmetkerleri men «jedel járdem» qyzmetkerleri alǵashqy medıtsınalyq kómek kórsetip, qyzdy aýrýhanaǵa jatqyzdy.
Qyzdy qutqarýǵa umtylǵan saqshylar eń aldymen ózderiniń azamattyq boryshtaryn oryndady. Bul qaıyrymdylyq is-áreket barlyq ishki ister organdary qyzmetkerlerine úlgi bolady.
