Elordalyq saqshylar Qazaqstan polıtsııasy kúnin atap ótti
ASTANA. QazAqparat - Astana qalasy ІІD qyzmetkerleri Qazaqstan polıtsııasy kúnin atap ótti. Búgin merekelik jıyn barysynda Astana qalasy Іshki ister departamentiniń basshysy, general-maıor Amantaı Áýbákirov jeke quramdy osy ataýly kúnmen quttyqtady, dep habarlady astana.gov.kz.
«Qazaqstan polıtsııasy qyzmetkerleri ózderine júktelgen mindetti abyroımen atqaryp júr, halyqyna adal qyzmet etýde. Qylmyspen kúrese otyryp, sizder qoǵamdyq tynyshtyqty, turǵyndardyń qaýipsizdigin qamtamasyz etesizder», - dedi ol óz sózinde.
Sonymen qatar, ishki ister organdarynyń ardagerleri de polıtsııa qyzmetkerlerin quttyqtady. Saltanatty sharada QR Іshki ister mınıstriniń quttyqtaý haty oqyldy.
QR Іshki ister mınıstri men Astana qalasy ІІD basshysynyń buıryǵymen qyzmetin abyroımen atqaryp, úzdik dep tanylǵan polıtsııa qyzmetkerlerine merziminen buryn áskerı shender berilip, alǵyshattar tabys etildi.
