Elordalyq saqshylar alaıaqtyqpen aınalysqan eki boıjetkendi quryqtady
ASTANA. Aqpannyń 4-i. QazAqparat /Marlan Jıembaı/ - Elordanyń quqyq qorǵaý organdarynyń qyzmetkerleri alaıaqtyqpen aınalysqan eki boıjetkendi quryqtady. Bul týraly Astana qalalyq ІІD memlekettik til jáne aqparat bóliminiń aǵa ınspektory Elmıra Sháýlenova málim etti.
Onyń aıtýyna qaraǵanda, Almaty aýdandyq ishki ister bólimine elorda turǵyndarynyń biri óziniń páterinen jalpy somasy 170 myń teńgeni quraıtyn altyn buıymdarynyń joǵalǵany týraly aryz túsirgen. Elordalyq polıtsııa qyzmetkerleriniń tergeý jumystary barysynda, aryzdanýshy úıinde bolmaǵan kezde ózderin medıtsınalyq dári-dármekter taratýshylarmyz dep tanystyrǵan eki boıjetken onyń kámelettik jasqa tolmaǵan balalaryn aldap úıge kirgen. Olardyń biri balalardyń kóńilin aýlap, sózge tartyp turǵanda, ekinshisi altyn buıymdardy urlaý isine kirisken.
«Qolǵa túsken 18 jastaǵy eki alaıaqtan jaýap alý barysynda, olardyń buǵan deıin de osyndaı qylmystar jasaǵany áshkere boldy», deıdi E.Sháýlenova.
Qazirgi ýaqytta qolǵa túskender ýaqytsha oqshaýlaý ornyna qamalyp, ol boıynsha qylmystyq is qozǵaldy.
