Elordalyq sábılerge jıi qoıylǵan esimder belgili boldy
ASTANA. QazAqparat - Elordada ótken jyly dúnıe esigin ashqan sábılerge Álıhan men Aızere atty esimder jıi qoıylǵan, dep habarlaıdy QazAqparat qala ákimdiginiń saıtyna silteme jasap.
2017 jyly elordada dúnıege kelgen 405 sábıge Aızere esimi berilipti. 354 ret qoıylǵan Aılın degen esimi ekinshi orynda. Úzdik úshtikte Ámına esimi tur, 353 ata-ana óz balasyna osy esimdi tańdaǵan.
Aıarý, Aısha, Raıana, Aıala, Káýsar, Darııa, Ádııa, Іnjý, Aıym jáne Tomırıs esimderi de ótken jyly qyz balalarǵa qoıylǵan esimderdiń arasynda aldyńǵy qatarda tur.
Al uldar arasynda jıi qoıylǵan esimderdiń úshtigine Álıhan, Ámir jáne Álı esimderi kiredi. Elordada 12 aı ishinde bul esimder 328, 255 jáne 222 balaǵa berildi. Sondaı-aq, astanalyq ata-analar ózderiniń ul balalary úshin jıi tańdaǵan esimderdiń arasynda Aısultan, Sanjar, Erasyl, Arlan, Arsen, Nurıslam, Alan, Mansur, Ramazan, Mıras jáne Álınur esimderi de kezdesedi.
Balalarǵa elde bolyp jatqan oqıǵalarǵa baılanysty esim qoıý dástúri de ózgergen joq. Halyqaralyq EKSPO kórmesin ótkizý kezinde «Esil» aýdanynyń AHAT bólimshesinde ul balaǵa qoıylǵan Bádibekspo esimi tirkeldi.
«Esil», «Saryarqa» jáne «Almaty» aýdandarynyń AHAT bólimsheleri bergen málimetterge sáıkes, elordada 2017 jyly Astanada dúnıege 34 087 sábı kelgen. 2016 jyly bul kórsetkish 32 056 balany qurady.
