Elordalyq poıyz qaǵyp ketken uly úshin mıllıon teńge óndirip aldy
ASTANA. QazAqparat - Astana qalasynyń Esil aýdandyq soty poıyzdyń astyna túsip mert bolǵan adam úshin moraldyq shyǵyndy óndirip alý týraly azamattyq isti qarady, dep habarlaıdy QazAqparat tilshisi.
Sot materıaldaryn sáıkes, 2016 jyly 6 tamyzda T. esimdi azamat «Qyzylorda - Astana» baǵytyndaǵy poıyzdyń astyna túsip, mert boldy. Kóliktegi jelilik ishki ister departamenti qylmystyq iske sebep bolatyn áreketti anyqtaǵan joq. Sondyqtan is toqtatylǵan bolatyn. Al sot-medıtsınalyq saraptamaǵa sáıkes, qaıtys bolǵan er adam qatty mas bolǵan. Soǵan qaramastan, onyń ata-analary Esil aýdandyq sotyna aryz túsirip, 8 mln teńge kóleminde moraldyq shyǵyn óndirip berýdi talap etti.
«Qaıǵyly jaǵdaı qaıtys bolǵan adamnyń abaısyzdyǵynan boldy. Osyǵan baılanysty sot moraldyq shyǵyndy anyqtaǵanda QR Azamattyq kodeksiniń 935-baby, 2-tarmaǵyn qoldanyp, qaıtys bolǵan er adamnyń ata-analaryna 1 mln teńgeni óndirip aldy. Sot sheshimi kúshine endi», - delingen sottyń resmı habarlamasynda.
