Elordalyq polıtsııa jolaýshynyń betine gaz ballonyn shashqan buzaqyny izdestirýde

NUR-SULTAN. QazAqparat – Nur-Sultanda belgisiz buzaqy qoǵamdyq kólikte gaz ballonyn shashyp, jolaýshyǵa tap bergen, dep habarlaıdy QazAqparat tilshisi.

«Oqys oqıǵa búgin saǵat 10.00 shamasynda №9 avtobýsta tirkelgen. Polıtsııaǵa jergiliktiń turǵyndardyń biri aryz túsirdi. Onyń aıtýynsha, belgisiz er adam avtobýs salonynda bireýmen tóbelesip qalyp, betine gaz balonyn shasha salǵan. Al avtobýstan shyqqannan keıin er adam qarsylasyn betinen bir teýip, oqıǵa ornynan izin sýytyp ketti», - dep habarlaıdy qalalyq Polıtsııa departamenti.

Atalmysh fakt negizinde qazirgi ýaqytta buzaqylyq baby boıynsha sotqa deıingi tergeý amaldary júrgizilip jatyr.

Polıtsııa qyzmetkerleri kúdiktini izdestirý ústinde.