Elordalyq polıtsııa qyzmetkerleri páter tonaǵan qylmystyq topty ustady
ASTANA. 11 tamyz. QazAqparat - Keshe keshki ýaqytta elordanyń Almaty aýdanyna qarasty úılerdiń birinde páter tonaldy. K. esimdi azamattyń páterin burynnan torýyldap júrgen urylar úshin esik qulpyn ashý esh qıyndyq týdyrmaǵan,
dep habarlady Astana qalalyq ishki ister departamentiniń baspasóz qyzmetinen.
Syrtqy esikti qulpyna dál keletin kiltpen ashqan úsh adamnan turatyn qylmystyq top úıdegi baǵaly zattardy, onyń ishinde altyn jáne zergerlik buıymdardy alyp ketken. Úıine oralǵan páter ıesi baǵaly zattardyń joǵalǵandyǵyn kórip, birden polıtsııadan kómek surap habarlasqan.
Astana qalalyq ІІD-niń qylmystyq izdestirý qyzmetkerleri «Almaty» aýdandyq ІІB-nyń izdestirý bólimi qyzmetkerlerimen birlese otyryp, sanaýly saǵat ótkennen keıin «VAZ 21099» markaly kóligin ustady. Avtokólikti tekserý barysynda salonda jábirlenýshiden urlanǵan zattar tabyldy.
Qazirgi kezde elordalyq departamenttiń qylmystyq izdestirý bólimi qyzmetkerleri ustalǵan toptaǵy tulǵalardyń osyǵan uqsas qylmystarǵa qatystylyqtaryn anyqtaý maqsatynda tekserý júrgizýde.
