Elordalyq polıtsııa qyzmetkerleri onlaın rejimde qala turǵyndarynyń suraqtaryna jaýap berdi
ASTANA. 12 qyrkúıek. QazAqparat - Elordanyń Іshki ister departamenti áıelderdi zorlyqtan qorǵaý bólimshesiniń qyzmetkerleri úkimettik emes uıymdardyń jáne memlekettik organdardyń ókilderimen birlesip,
«Otbasylyq-turmystyq qarym-qatynas salasyndaǵy quqyq buzýshylyqtardyń aldyn alý» taqyrybynda ınternet konferentsııa ótkizdi. Bul týraly astana.kz saıtyna qalalyq Іshki ister departamentiniń baspasóz qyzmetinen habarlady.
Internet paıdalanýshylar bir saǵat boıy onlaın rejimde zań jáne psıhologııalyq sıpattaǵy máselelerge qatysty túrli suraqtarǵa jaýaptar aldy.
Astanalyqtar ishimdik ishetin kórshilerine qatysty uıǵarym shyǵarýmen, qalada tirkelý jáne jumysqa ornalasý qujattarymen baılanysty suraqtar qoıdy. Astana qalasynyń ІІD Áıelderdi zorlyqtan qorǵaý bólimshesiniń qyzmetkerleri men shaqyrylǵan tulǵalar barlyq 19 suraqqa tolyq jaýap qaıtardy.
Іs-sharanyń maqsaty - azamattardyń ishki ister organdaryna senimin kúsheıtý, halyq toptaryn turmystaǵy zorlyq-zombylyqty boldyrmaý jáne aldyn alý boıynsha qabyldanatyn is-sharalar týraly habardar etý, quqyqtyq saýattylyqty arttyrý.
