Elordalyq polıtsııa qyzmetkerleri qaraqshylyq shabýyl jasady degen kúdikpen 2 jigitti ustady
ASTANA. 11 tamyz. QazAqparat - Astana qalalyq ishki ister departamentiniń qyzmetkerleri buryn birneshe ret sottalǵan, qaraqshylyq shabýyl jasaýǵa qatysy bar Aqmola oblysynyń turǵyndary - eki jas azamatty ustady,
dep habarlady vedomstvonyń baspasóz qyzmetinen.
«Astana qalasy Saryarqa aýdandyq ishki ister bólimine keshki saǵat 19.00 shamasynda elordanyń turǵynynan eki belgisiz er adamnyń qaraqshylyq shabýyl jasaǵany, sondaı-aq pyshaq qoldaný arqyly oǵan dene jaraqatyn keltirip, ashyq túrde altyn syrǵalary men «Nokıa» markaly uıaly telefonyn tartyp alǵandyǵy týraly aryz tústi», - delingen habarlamada. Bir kún ótkennen keıin qylmyskerler taǵy bir qaraqshylyq shabýyl jasaǵan. Áıeldi pyshaqpen qorqytyp, ashyq túrde 58 000 teńge somasyndaǵy aqshasyn tartyp alǵan.
Jedel izdestirý sharasyn júrgizý barysynda polıtsııa qyzmetkerleri qaraqshylyq shabýyl jasaǵan tulǵalardy anyqtap quryqtady, olar joǵaryda atalǵan qylmystardy jasaǵanyn moıyndady.
Qazirgi kezde atalǵan Aqmola oblysynyń turǵyndary Astana qalalyq ІІD-niń ýaqytsha oqshaýlaý abaqtysyna qamaldy.
