Elordalyq polıtsııa qyzmetkerleri Aqtóbedegi terrorlyq áreketten zardap shekken áriptesteriniń otbasylaryna bir kúndik jalaqylaryn aýdardy

ASTANA. QazAqparat - Elordalyq polıtsııa qyzmetkerleri Aqtóbe qalasynda jasalǵan terrorlyq aktiniń nátıjesinde zardap shekken polıtseılerdiń otbasylaryna alǵashqylardyń biri bolyp bir kúndik jalaqylaryn aýdardy, dep habarlaıdy Astana ІІD baspasóz qyzmetinen.

Astana qalasy Іshki ister departamenti qyzmetkerleri qaıǵyǵa ortaqtasyp, kómek retinde áriptesteriniń otbasylaryna jáne jaraqat alǵan qyzmetkerlerdiń em-domyna bir kúndik jalaqylaryn aýdardy.

Іshki ister organdarynyń qyzmetkerleri batyldyq, patrıottyq jáne antqa adaldyq tanytyp terrorısterdi toqtatty,

Astana qalasy ІІD bastyǵy polıtsııa general-maıory Amantaı Áýbákirov: Ókinishke oraı, Aqtóbede bolǵan qaıǵyly oqıǵada zardap shekkender bar. Biz qaza tapqan jandardyń otbasylary men jaqyndaryna kóńil aıtyp, jaralanǵan azamattardyń tez saýyǵyp ketýin tileımiz. Biz polıtsııa qyzmetkerlerine jáne olardyń otbasylaryna jan-jaqty kómekti ári qaraı da jalǵastyramyz. Búginde elordalyq ishki ister departamentiniń jeke quramy qoǵamdyq tártipti jáne terrorızmge qarsy kúresýde qaýipsizdikti qamtamasyz etý boıynsha kúsheıtilgen rejımde qyzmetterin atqarýda», - dep atap ketti.