Elordalyq polıtsııa balalardy qaraýsyz qaldyrmaýǵa shaqyrady
ASTANA. 25 qazan. QazAqparat - Sońǵy kezde balalardyń joǵalyp ketý oqıǵalarynyń jıilep ketýine oraı elordalyq polıtseıler balalardy qaraýsyz qaldyrmaýǵa shaqyrady, dep habarlaıdy elordalyq saıttan. Mundaı jaıttar kóbinese saýda úılerinde, bazarlarda, turǵyn úı keshenderiniń aýlalarynda oryn alady. Buǵan kishkentaı balalardy qaraýsyz qaldyrǵan ata-analardyń zeıinsizdigi men salǵyrttyǵy sebep bolady. Polıtsııaǵa aýlaǵa oınaýǵa shyǵyp, joǵalǵan balalardyń ata-analary jıi habarlasady. Jazda osyndaı oqıǵalardyń sany kúrt artady. Ásirese, elordada.
Demalys kezinde qalany bilmeıtin kisiler syrttan kóp keledi. Bala joǵalǵan kezde 102 qyzmetine habarlasý kerek, polıtsııa qyzmetkerleri ony izdeý úshin barlyq sharalardy qabyldaıdy. Elordalyq ishki ister departamentinen astana.kz saıtyna habarlaǵandaı, polıtsııa qyzmetkerleri «adasqan, joǵalǵan» balalarmen jumys isteý tájirıbesine ıe.
«Eger bala dalada joǵalsa, ádette olardy patrýl polıtsııasynyń qyzmetkerleri, ýchaskelik ınspektorlar taýyp alady. Sondaı-aq, nemquraıly qaramaıtyn jandar, saýda úıleriniń kúzetshileri jáne t.b. balalardy ishki ister organdaryna jetkizýi múmkin. Polıtseıler joǵalǵan balanyń sıpattamalaryn syrtqy qyzmetter men bólimshelerge taratady. Ádette olar birden tabylady»,- deıdi ІІD qyzmetkerleri.
Eger úsh saǵattyń ishinde balany zańdy ókilderine ótkizý múmkin bolmasa, ony jasyna qaraı densaýlyq saqtaý mekemesine (0-3 jas) nemese «Astana qalasy ákimdiginiń kámeletke tolmaǵandardy beıimdeý ortalyǵy» MQM (3-18 jas) ornalastyrady. Bul aýmaqtyq ishki ister basqarmalarynda kámeletke tolmaǵan balalardy ustaý úshin jaǵdaılardyń jasalmaýymen (tamaqtandyrý, jatatyn oryn jáne t.b.) baılanysty.
Kishkentaı balalarǵa qaıda jáne kimmen baratyny týraly ata-analaryna eskertý kerek ekenin túsindirý kerek. Sonymen qatar, balalardy da qaraýsyz qaldyrýǵa bolmaıdy. Kámeletke tolmaǵandar dala, sonyń ishinde, túngi mezgilde zańdy ókilderinsiz oıyn-saýyq oryndarynda júrgen jaǵdaıda, ákimshilik zańnamada ata-analar men zańdy ókilderge qatysty jaýapkershilik qarastyrylǵan.
