Elordalyq polıtsııa azamattardy 3 mln. teńgege yntalandyrady
ASTANA. 3 shilde. QazAqparat - Astananyń Іshki ister departamenti polıtsııa kómekshilerin, ıaǵnı, qoǵamdyq tártipti qorǵaýǵa jáne qylmystyń ashylýyn qamtamasyz etýge qatysqandardy yntalandyrady.
Bul týraly quqyq qorǵaý vedomstvosynyń baspasóz qyzmetinen habarlandy.
Búginde elordanyń aımaqtyq ishki ister basqarmalarynda polıtsııanyń 332 qoǵamdyq kómekshisi jumys isteıdi. Onyń ishinde memlekettik emes qurylymdardyń kúzetshileri men ishki ister organdary ardagerleri de bar.
Jyl basynan beri olardyń kómegimen 74 qylmys ashylyp, ákimshilik jaýapqa 4 myńǵa jýyq quqyqbuzýshy tartyldy.
Elordalyq polıtsııa bıylǵy jylǵy ekinshi toqsannyń qorytyndysy boıynsha jalpy somasy 3 mln. teńgege 200 qoǵamdyq kómekshini kótermeleýdi (árqaısysyna 15 myń teńgeden) josparlap otyr. Olardyń qatarynda 126 konserj jáne jastar jasaqtarynyń 55 múshesi bar.
