Elordalyq polıtsııa Arys turǵyndaryna 12 mıllıon teńge qarjy aýdardy

NUR-SULTAN. QazAqparat - Elordalyq polıtsııa Arys qalasynyń turǵyndaryna kómek retinde 12 mıllıon teńge qarjy aýdardy, dep habarlaıdy qalalyq Polıtsııa departamentiniń baspasóz qyzmeti.

«Nur-Sultan qalasynyń polıtsııa qyzmetkerleri Túrkistan oblysy Arys qalasynyń turǵyndaryna kómek retinde bir kúndik jalaqylaryn aýdardy. «Túrkistan» korporatıvtik áleýmettik damý qoryna Arys qalasynda ornalasqan áskerı oq-dári qoımasyndaǵy alapat jarylystan zardap shekken turǵyndarǵa kómek kórsetý maqsatynda 12 mıllıonnan astam qarjy aýdaryldy. Arysta bolǵan jaǵdaı elordalyq polıtsııa qyzmetkerlerin beıjaı qaldyrǵan joq. Qıyn jaǵdaıǵa tap bolǵan Otandastarymyzdy qoldaý - bizdiń azamattyq boryshymyz» delingen habarlamada.