Elordalyq polıtseıler jyl basynan 22 myńnan asa quqyq buzýshylyqty anyqtady
ASTANA. 16 mamyr. QazAqparat - Astanalyq polıtseıler usaq tártip buzýshylarǵa qarsy «nóldik shydamdylyq» qalyptastyrý jónindegi jumystardy odan ári jalǵastyrýda,
dep habarlady Astana qalasynyń resmı saıty.
Bıylǵy jyldyń basynan beri Astana qalasynyń polıtsııa qyzmetkerleri 22000-nan asa ákimshilik quqyq buzýshylyqty anyqtasa, onyń 1918-i usaq buzaqylyq bolyp eseptelinedi. Sonyń ishinde 168 tártip buzýshy ákimshilik qamaýǵa alynyp, 1661-ine aıyppul salyndy.
«Tek 2013 jyldyń 14-15 mamyrynda usaq buzaqylyqqa qarsy Astana qalasynyń mamandandyrylǵan aýdanaralyq sotynda 61 materıal qaraldy. Olardyń ishinde 12 tártip buzýshy sottyń qaýlysymen qamaýǵa alynsa, 49-yna 3 aılyq AEK kóleminde aıyppul salyndy», - dep habarlaıdy vedomstvodan.
Sonymen qatar, mundaı keleńsizdikterdiń aldyn alý maqsatynda elordalyq polıtseıler usaq tártip buzýshylyq boıynsha kóshpeli sot otyrystaryn, onyń ishinde qalanyń joǵary oqý oryndarynda da ótkizý tájirıbege engizdi. Jyl basynan beri osyndaı alty otyrys uıymdastyryldy.
