Elordalyq polıtseıler júrgizýshi áıelderdi naýryz merekesimen quttyqtady
NUR-SULTAN. QazAqparat - Aıyppul ornyna qyzǵaldaq gúli. Nur-Sultan qalasy Polıtsııa departamentiniń qyzmetkerleri men volonterler júrgizýshi qyz-kelinshekterdi Halyqaralyq áıelder merekesimen erekshe quttyqtady, dep habarlaıdy QazAqparat qala ákimdiginiń resmı saıtyna silteme jasap.
Olar kóshede áıelderge qyzǵaldaq gúlin syılady. Mereke qarsańynda polıtseıler kólik júrgizýshi áıelderge eskertý jasaý men ákimshilik hattama toltyrýdyń ornyna jaqsy tilekterin aıtyp, kóktemniń sımvoly – qyzǵaldaq gúlin syılady. Qolynda taıaqshalary bar polıtseılerdi kórgennen, qyz-kelinshekter qalaı jol júrý erejesin buzǵanyn esine túsire almaı sasqalaqtap qalatyny bar. Alaıda, polıtseılerdiń quttyqtaýyn estip, tańdanysyn jasyra almady. Árbir áıel júrgizýshi úshin bul kútpegen tosyn syı boldy. Olar tańǵalǵanymen qatar, alǵysynda bildirip jatty.
«Sizdi Halyqaralyq áıelder merekesimen quttyqtaımyz. Jol erejesin saqtap, jolda abaı bolyńyz», - dep tilek bildirdi áıel júrgizýshilerdi toqtatqan Ákimshilik polıtsııa basqarmasy mamandandyrylǵan batalon komandıriniń orynbasary Tımýr Tuıaqbaı.
