Elordalyq polıtseıler joǵalyp ketken 7 jasar balany tapty
NUR-SULTAN. QazAqparat – Astana polıtseıleri joǵalyp ketken 7 jasar balany tapty, dep habarlaıdy QazAqparat Nur-Sultan qalalyq polıtsııa departamentiniń baspasóz qyzmetine silteme jasap.
6 qazanda keshki 18.00 shamasynda Nur-Sultan qalasynyń «Saryarqa» aýdandyq polıtsııa basqarmasyna astana turǵynynan habarlama tústi. Ol kámelet jasyna tolmaǵan ulynyń joǵalyp ketkenin aıtqan.
Tekseris barysynda 7 jasar balanyń anasy úıdiń janyndaǵy dúkenge ketken kezde bala úıdegilerge eskertpeı páterden shyǵyp ketken. Dúkennen kelgennen keıin balasyn taba almaǵan áıel polıtsııaǵa habarlasqan.
Oqıǵa ornyna Nur-Sultan qalalyq PD patrýldik polıtsııa polkiniń qyzmetkerleri men sol aımaqqa jaýapty «Saryarqa» aýdanynyń ýchaskelik ınspektory Rýslan Eftıfeev keldi.
Ýchaskelik ınspektor balanyń qaıda bolýy múmkin ekenin anyqtaý maqsatynda oınap júrgen balalardan surap shyqqan. 7 jasar balanyń dostarynyń mekenjaıyn alyp, tártip saqshysy kórshilerdi aralaıdy.
Kezekti bir páterge kirip, balanyń sol jerde ekenin anyqtaǵan. Jetkinshek dosynyń úıinde oınap otyrǵan eken.
Qýanǵan ana polıtseılerge alǵys aıtty.
