Elordalyq polıtseıler jalǵyzbasty zeınetkerge otyn túsirip berdi
Nur-Sultan qalalyq Polıtsııa departamentiniń málimetinshe, ýchaskelik polıtsııa qyzmetkeri ózine bekitilgen aýmaqty tekserip júrip, jer úılerdiń birinde ájeniń jalǵyz turatyndyǵyn, otyn satyp alýǵa aqshasy joq ekendigin biledi. Osydan keıin polıtsııa qyzmetkerleri bir mashına otyn satyp alyp, ájeniń úıine jetkizip berdi.
«Otynym bitip qaldy. Al qazir dalada qatty aıaz bolyp tur. Onsyz da otyndy únemdep, kúnine bir-aq ret pesh jaǵyp otyrdym. Shynymdy aıtsam, polıtsııa qyzmetkerleri otyn jetkizip bermegende úıde qatyp qalar edim», - dedi ájeı.
Polıtseıler otyndy tek jetkizip qoımaı, ony butap, ájege qys boıy jetetin qor daıyndap berdi.
Sonymen qatar sol kúni polıtsııa qyzmetkerleri birneshe muqtaj otbasyǵa baryp, olarǵa azyq-túlik jıyntyǵyn jetkizdi.
