Elordalyq polıtseıler úılerdiń aýlalarynda qabyldaý uıymdastyrýda
Qalalyq Polıtsııa departamentinen málim etkendeı, is-shara dástúrli túrde turǵyn úılerdiń aýlalarynda ótedi. Onda polıtsııa qyzmetkerleri ártúrli suraqtar boıynsha keńes beredi. Onymen birge, «shuǵyl jeli» uıymdastyrylǵan. Ol polıtseılerge suraq qoıǵysy keletin barlyq adamdardy qamtýǵa arnalǵan.
Mysaly, Kenen Ázirbaev kóshesi aýlalarynyń birinde polıtsııa qyzmetkerleri PIK tóraǵasymen birge «Aýlalarda qabyldaý» aktsııasyna qatysty. Aýdan turǵyndary kóbine túngi ýaqytta tynyshtyqty buzý, jol qoǵalysy erejesin buzý, beınebaqylaý kameralarynyń jumysy, túngi ýaqytta spırttik ishimdikter ishý jáne taǵy da basqa máselelerge qatysty suraqtaryn jetkizdi.
Qabyldaýlarǵa ákimshilik, kóshi-qon jáne jergilikti polıtsııa basshylyǵy qatysady. Olarǵa qatysty kóptegen suraqtar kelip túsýde. Azamattar jazylmaı-aq, suraqtaryn tikeleı qoıa beredi. Onyń ishinde, shuǵyl sharalardy qajet etetin máseleler de qaralady.
«Іshki ister organdarynyń aldyna qoıylǵan basymdyqty mindetterdiń biri halyqtyń polıtsııa qyzmetine degen senimin arttyrý bolyp tabylady. Biz halyqpen jumys isteýdiń jańa formatyn izdeýge tıispiz. Ashyqtyq pen jarııalylyq – halyqpen jumys isteýdiń qazirgi úlgileriniń biri bolyp tabylady», - dep atap ótti Nur-Sultan qalasy Polıtsııa departamenti bastyǵynyń orynbasary Sabyr Júsipbekov.
«Búgingi tańda qalada 551 basqarýshy uıym bar. Ýchaskelik ınspektorlar PIK otyrystaryna apta saıyn qatysyp, azamattardy oryndarynda qabyldaıdy. Osylaısha, aǵymdaǵy jyldyń 6 aıynyń qorytyndysy boıynsha qylmys deńgeıi tómendedi. Aýyr jáne asa aýyr qylmystardyń, onyń ishinde qoǵamdyq oryndar men kóshelerde jasalatyn urlyqtar men qylmystardyń jalpy sany azaıdy. Qylmystardyń sany qoǵamdyq oryndarda - 29,6%, kóshelerde 41,7% qysqardy», - dedi departamentten.
