Elordalyq polıtseıler páter urylaryn quryqtady
ASTANA. Aqpannyń 17-si. QazAqparat /Marlan Jıembaı/ - Respýblıka boıynsha ótip jatqan "Páter" jedel aldyn alý is-sharasy barysynda Astana qalalyq ІІD Krımınaldyq polıtsııa qyzmetkerleri urylar tobyn quryqtady. Atalǵan vedomstvonyń memlekettik til jáne aqparat bóliminiń bastyǵy Nurdildá Orazdyń aıtýynsha,
Astana aýmaǵynda esik qulyptaryn buzý arqyly páter tonaýmen aınalysqan urylardyń Ekibastuz qalasynyń turǵyndary ekendigi anyqtalǵan.
"Olardyń jeke zattaryn tekserý barysynda elorda páterleriniń birinen joǵalǵan múlikter men qylmys qural-jabdyqtary tabyldy. Sonymen qatar ustalǵandardyń turyp jatqan jerlerin tekserý barysynda urlanǵan altyn buıymdar, turmystyq jáne orgtehnıkalar tabyldy", deıdi ol.
"Qolǵa túsken azamattar buǵan deıin de túrli sanattaǵy jasaǵan qylmystary úshin jazasyn ótegender ekendigi anyqtaldy. Olar jasaǵan qylmystaryn moıyndap otyr. Qazirgi ýaqytta olardyń basqa da qylmystarǵa qatystyǵyn tekserý jumystary júrgizilýde", dep atap ótti N.Oraz.
