Elordalyq polıtseıler qatty aıazda kólik ıelerine kómektesip júr
NUR-SULTAN. QazAqparat – Kúnniń kúrt sýytýyna baılanysty elordanyń kóptegen júrgizýshisi qıyn jaǵdaıǵa tap bolýda, dep habarlaıdy QazAqparat Nur-Sultan qalasy polıtsııa departamentineiń baspasóz qyzmetine silteme jasap.
Patrýldik polıtsııa qyzmetkerleri kezekshilik kezinde Petrov kóshesindegi úıdiń aýlasynda kapoty ashyq turǵan «BMW» avtokóligin baıqaǵan.
Úsh saǵat boıy qozǵaltqyshty iske qosa almaı, tońyp qalǵan júrgizýshi biraz qınalǵan.
Polıtsııa qyzmetkerleri Mahmut Tólegen men Esjanov Erbol er adamǵa kómekke kelgen. Kólikti bolat arqanmen súırep shyǵaryp, aýlany birneshe ret aınalyp ótip, olar mashınanyń qozǵaltqyshyn iske qosqan.
Avtokólik ıesi qyzmetkerlerge alǵysyn jetkizdi.
Sondaı-aq, polıtsııanyń izgi áreketi týraly aıtqan qala turǵyny polıtsııa bólimine rızashylyǵyn bildirip habarlasqan. 4 qańtar saǵat 10.40-ta Turan kóshesinde «Toyota Camry» avtokóligi júrgizýshisiniń akkýmýlıatory óship qalǵan.
Kósheni torýyldaý kezinde polıtsııa qyzmetkerleri kólikti baıqap, ony iske qosýǵa kómektesken.
Kún saıyn elordalyq departamenttiń patrýldik polıtsııa qyzmetkerleri qoǵamdyq tártipti kúzete otyryp, kóshelerdi patrýldeıdi, qıyn jaǵdaıǵa tap bolǵan júrgizýshilerge kómektesedi.
Kúnniń kúrt sýytýyna baılanysty polıtsııa avtokólik júrgizýshilerine saparlaryn shekteýge keńes beredi.
Departament ókilderi alys saparǵa shyǵar aldynda avtomobıldiń tehnıkalyq jaramdylyǵyn tekserip, jolda qıyn jaǵdaıǵa tap bolǵan júrgizýshilerge kómek kórsetip, oqıǵa týraly polıtsııaǵa habarlaýdy suraıdy.
