Elordalyq polıtseıler qala men saıajaılarda reıdter júrgizýde
NUR-SULTAN. QazAqparat - Elordalyq polıtseıler «Stop-qylmys» jedel-aldyn alý is-sharasy aıasynda 180 ákimshilik quqyq buzýshylyqty anyqtady, dep habarlaıdy qala ákimdiginiń saıty.
Qalalyq tártip saqshylary qalanyń shet aýdandaryn, sonyń ishinde saıajaılarda jergilikti-reıdtik is-sharalar ótkizýde.
Polıtsııa departamentiniń qyzmetkerleri saıajaı, garaj qoǵamdarynyń, TQS, metall synyqtaryn qabyldaý pýnktteriniń jáne t. b. oryndarda reıdter júrgizdi.
Іs-shara aıasynda 20-dan astam shetel azamattary respýblıkada bolý erejelerin buzǵan. Sondaı-aq 20 tehnıkalyq qyzmet kórsetý stantsııasy, 18 metall qabyldaý pýnkti tekserildi. Tekserý barysynda órt sóndirý jeńderi, akkýmýlıatorlar, avtomobıl magnıtoldary, aınalar jáne esepten shyǵarylǵan memlekettik tirkeý nómirleri, kabelder men velosıpedter tabyldy.
Anyqtalǵan 180 ákimshilik quqyq buzýshylyqtar - belgilenbegen orynda saýda jasaý, sýdy paıdalaný erejelerin buzý, usaq buzaqylyq, spırttik ishimdikterdi ishý, tirkeýsiz turý syndy quqyq buzýshylyqtarǵa tıesili.
Budan basqa, polıtsııa qyzmetkerleri 5 bóten múlikti urlaý, 2 avtokólikti aıdap áketý, 4 esirtki zattaryn taratý qylmystaryn anyqtady.
