Elordalyq polıtseıler HQO aınalasyn qorshaýǵa aldy
ASTANA. QazAqparat - Astanada polıtsııa qyzmetkerleri Halyqqa qyzmet kórsetý ortalyǵynyń ǵımaratyn qorshaýǵa alyp, barlyq kelýshiler men qyzmetkerlerdi evakýatsııalady, dep habarlaıdy QazAqparat tilshisi Astana qalalyq ІІD-niń baspasóz qyzmetine silteme jasap.
Anyqtalǵandaı, oǵan ǵımaratta tabylǵan ıesiz sómke sebep bolǵan.
«Saǵat 12.10-da HQO ǵımaraty qaýipsizdik qyzmetiniń ókili qyraǵylyq tanytyp, ıesiz sómke jatqanyn habarlaǵan. Nusqaýlyq boıynsha, polıtseıler antıterrorıstik qaýipsizdik maqsatynda ǵımarat aýmaǵyn qorshaýǵa alyp, kelýshiler men HQO qyzmetkerlerin evakýatsııalady», - dep habarlady ІІD baspasóz hatshysy Sofıa Qylyshbekova.
Sómkeden qandaı da bir tyıym salynǵan zat tabylmady.
Baspasóz qyzmetinde atap ótkendeı, qazir mekeme shtattyq rejımde jumys istep jatyr.
Foto: astravolga.ru
