Elordalyq polıtseıler halyqaralyq izdeýde júrgen Ózbekstan azamatyn ustady
NUR-SULTAN. QazAqparat – Elordalyq polıtsııa qyzmetkerleri «Mıgrant» respýblıkalyq jedel-profılaktıkalyq is-sharasyn ótkizý barysynda Reseı Federatsııasy bastamasymen halyqaralyq izdeýde júrgen Ózbekstan Respýblıkasynyń azamatyn ustady, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
Ustalǵan azamat Qylmystyq kodekstiń 327-baby boıynsha (jalǵan qujattardy jasaý, jasaý nemese aınalymy) boıynsha qylmystyq is jasady degen kúdikke ilindi.
Eske sala keteıik, «Mıgrant» jedel aldyn alý is-sharasy elorda aýmaǵynda tıisti quqyqtyq tártipti qamtamasyz etý, zańsyz kóshi-qondy anyqtaý jáne jolyn kesý maqsatynda ótken bolatyn.
Jedel-profılaktıkalyq is-sharanyń nátıjeleri boıynsha sheteldikter tarapynan negizgi zań buzýshylyqtar Qazaqstan Respýblıkasyna kelýdiń, ketýdiń jáne júrip-turýdyń belgilengen tártibin buzý bolyp sanalady.
Sonymen qatar shet memleketter azamattarynyń buzaqylyq, urlyq jáne tonaý faktileri anyqtaldy.
