Elordalyq polıtseıler erekshe chellendj bastady

ASTANA. QazAqparat - Elordalyq polıtsııa qyzmetkerleri erekshe chellendj bastady. Oǵan sáıkes polıtsııa qyzmetkerleri keýdeni jerden 10 ret kóterýi tıis, dep habarlaıdy QazAqparat.

QR ІІM Ákimshilik polıtsııa komıtetiniń baspasóz hatshysy Irına Lýkıanınanyń áleýmettik jelige júktegen chellendj vıdeosynda ústine oq ótpeıtin keýdeshe kıgen polıtsııa qyzmetkerleri EKSPO-2017 kesheni aýmaǵynda keýdeni jerden kóterý jattyǵýyn jasady. Tipti, bir polıtseıdiń mundaı jattyǵýdy arqasyna qyz otyrǵyzyp jasaǵanyn baıqaýǵa bolady.  

«Bastama maqsaty - dene tárbıesi men salaýatty ómir saltyn nasıhattaý. Polıtsııa úshin sport - kásibı qyzmettiń mańyzdy quramdas bóligi. Qyzmetkerlerdiń dene daıyndyǵy alǵa qoıylǵan maqsattardy tıimdi oryndaýǵa jáne jumysqa qabiletti saqtaýǵa múmkindik beredi», - deıdi Astana qalalyq ІІD bastyǵynyń orynbasary, polıtsııa polkovıngi Rústem Sháribaev.

Aıta keterligi, Astana polıtsııa qyzmetkerleri estafetany Almaty qalalyq ІІD polıtsııa qyzmetkerlerine joldady.