Elordalyq polıtseıler bir táýlik ishinde planshet arqyly 100-den asa aıyppul rásimdedi
ASTANA. QazAqparat - Elordalyq polıtseıler bir táýlik ishinde planshet arqyly 100-den asa aıyppul rásimdedi, dep habarlaıdy qalalyq ákimdiktiń baspasóz qyzmeti.
Jańa tehnologııalar buzýshylyqtardy tirkeý ýaqytyn 5 mınýtqa deıin qysqartýǵa múmkindik berdi.
Astanada dúısenbiden bastap kólik júrgizýshilerdiń buzýshylyǵyn rásimdeý rásimi jeńildetildi, JPQ qyzmetkerleri gadjetke júrgizýshiniń IIN nómirin engizedi, sodan keıin buzýshylyq jasaǵan azamat jóninde aqparat paıda bolady.
Júıe hattamany onlaın rejımine shyǵarady, sodan keıin júrgizýshi elektrondy qoltańba qoıý arqyly óziniń kelisimin rastaıdy. Keıin qujat málimetter bazasyna túsedi. Jańashyldyq týraly tek polıtseıler ǵana emes, júrgizýshiler de kóptep aıtýda.
Jańashyldyqty engizýdiń birinshi kúni elordalyq polıtseıler planshet arqyly 117 buzýshylyq rásimdegen.
«Rásim tez jasalady, ýaqyt únemdeımiz. Buzýshylyq jasaǵan azamatty tirkeý úshin nebary 3-5 mınýt ketedi. Keıbir júrgizýshiler bul júıege tańqalyp ta jatyr», - dedi jergilikti polıtsııa qyzmetiniń qyzmetkeri Samat Sábıt.
Esterińizge salaıyq, jýyrda bas prokýratýra, ІІM jáne Astana ákimdigi jol qozǵalysyn buzǵany úshin elektrondy hattamalardy rásimdeý boıynsha pılottyq jobanyń iske asyrylýy bastalǵany jóninde habarlaǵan bolatyn.
Elordalyq polıtseılerge elektrondy hattamalardy rásimdeý úshin 50 planshet berildi.
Jyl sońyna deıin polıtseılerge júzdegen planshetter beriletin bolady.
