Elordalyq polıtseıler bir kúnde 1 myńǵa jýyq jol qozǵalysy erejesin buzý faktisin tirkedi
ASTANA. 22 qazan. QazAqparat - 21-27 qazanda Astana qalasynyń polıtseıleri «Qaýipsiz jol» jedel aldyn alý is-sharasyn ótkizýde.
Shara aıasynda birinshi kúni jol qozǵalysy erejesin buzýdyń 1 myńǵa jýyq faktisi tirkeldi, dep habarlady astana.kz saıtyna Jol polıtsııasy basqarmasynan.
Іs-shara barysynda jol polıtsııasynyń jeke quramy kúsheıtilgen tártipte qyzmet etedi, joldardaǵy narıadtar sany ulǵaıtyldy, jol qozǵalysyn qadaǵalaý jumystaryna qalalyq ІІD Ákimshilik polıtsııa basqarmasy apparatynyń qyzmetkerleri tartyldy.
Jol polıtsııasy basqarmasy baspasóz qyzmetiniń habarlaýynsha, is-sharanyń negizgi maqsaty jol qozǵalysy erejelerin buzýdyń aldyn alý, JQE talaptaryn oryndamaıtyn, sonyń ishinde qoǵamdyq kólik pen taksı júrgizýshilerin anyqtaý bolyp tabylady. Jedel aldyn alý is-sharasy kezinde ishki ister organdary qyzmetkerleriniń ishinde de tártip buzýshylardy anyqtaý boıynsha reıdter uıymdastyrylady.
Eske salaıyq, 9 aıda elordada 494 jol-kólik apaty oryn alyp, 48 adam kóz jumdy, 532-si túrli jaraqattar aldy.
