Elordalyq polıtseıler balalarǵa jolda júrý erejelerin túsindiredi
ASTANA. QazAqparat - Búgin Astanada eki aptaǵa jalǵasatyn «Abaılańyz, balalar» atty jedel-profılaktıkalyq is-sharasy bastalady. Atalǵan shara jyl saıyn oqý jylynyń aldynda ótkiziledi. Mundaǵy maqsat - balalardyń qatysýymen bolatyn jol-kólik oqıǵalarynyń aldyn alý.
Bul týraly astana.kz saıtyna Astana qalasynyń Ákimshilik polıtsııa basqarmasynan habarlady.
Shara barysynda polıtseıler oqýshylarǵa jolda júrý erejesin qatań saqtaýdy tereń túsindiretin bolady. Odan keıin mamandar jol-kólik oqıǵasynan zardap shekken balalarmen kezdesip, psıhologııalyq kómek kórsetedi.
Jedel-profılaktıkalyq shara barysynda tártip saqshylary jalpy bilim beretin mekemeler men jasóspirimder jıi jınalatyn alańdardy kúzetetin bolady. Al, 1 qyrkúıekte polıtseıler qala mektepterine baryp, oqýshylarǵa mektep formasyn, sómkeler syılaıdy. Atalǵan mekemeniń málimetinshe, jyl basynan beri elordada kámeletke tolmaǵan balalardyń qatysýymen bolǵan 60 jol-kólik oqıǵasy tirkelgen. Kóbine mundaı jaǵdaı balalardyń jolda alańǵasarlyqqa salynyp, uıaly telefon paıdalanyp nemese mýzykany bar daýysyna shyǵaryp, kólikterdiń dybysyna mán bermegeninen bolady eken.
