Elordalyq polıtseıler balalar úıiniń tárbıelenýshilerine arnap Ashyq esik kúnin ótkizdi
ASTANA. QazAqparat - Elordalyq polıtseıler kınologııalyq qyzmet ortalyǵy men «Arlan» arnaıy maqsattaǵy bólimshesi balalar úıiniń tárbıelenýshilerine arnap Ashyq esik kúnin ótkizdi, dep habarlaıdy qalalyq ІІD baspasóz qyzmeti.
Іshki ister organdary qyzmetkerleriniń jaǵymdy ımıdjin nyǵaıtý jáne halyqtyń polıtsııaǵa senimin arttyrý maqsatynda 2015 jyl azamattardyń polıtsııa qyzmetine senimi jyly bolyp jarııalandy.
Ashyq esik kúni - elordalyq polıtseıler 2015 jyly josparlaǵan is-sharalardyń alǵashqysy. Ol «Halyqtyń senimi - polıtsııa kúshi» uranymen ótkiziledi. Jyl boıy tártip saqshylary mádenı-kópshilik, sporttyq jáne qaıyrymdylyq, sonyń ishinde quqyqtyq taqyrypta sharalardy júrgizedi.
Búgin 6-8 synyptyń 30 oqýshysy kınologtar men olardyń tóbetteriniń qyzmetimen tanysty.
Astana qalasynyń Іshki ister departamentiniń bastyǵy polıtsııa general-maıory Amantaı Áýbákirov óz sózinde balalardy sabaqtaryn jaqsy oqýlaryn, keleshekte keıbireýleriniń polıtsııa mamandyǵyn tańdaýy múmkin ekendigin aıtty, olarǵa búgingi serýenderiniń sátti ótýin tiledi.
Ekskýrsııa kezinde balaqaılar kınolog mamandar men «Arlan» arnaıy maqsattaǵy bólimshesi jaýyngerleriniń kórsetilimderin kórdi, sondaı-aq arnaıy tehnıkalarmen tanysty.
Kórsetilim aıaqtalysymen, balalarǵa kınologııalyq qyzmet tóbetteriniń tor qorshaýlaryn kórsetti, Oǵan qosa, balalar sporttyq jarystarǵa qatysyp, Jol-patrýldik polıtsııasynyń atty vzvodynyń arǵymaqtaryna minip, jegilgen tóbettermen saıahat ta jasady.
Іs-shara támamdalǵannan soń, balalar áskerı botqadan jáne ystyq shaıdan dám tatty. Árbir qonaqqa polıtseıler syılyq tartý etti.
