Elordalyq polıtseıler áıeliniń ústine benzın quıyp órtep jibergen Qanat Sádýovty ustady
ASTANA. QazAqparat - Aǵymdaǵy jyldyń mamyr aıynda Q.Sádýov № 25 mekteptiń qasynda burynǵy zaıybynyń ústine benzın quıyp, ony órtep jibergen soń, oqıǵa ornynan qashyp ketken. Kóp uzamaı áıel alǵan kúıikterinen aýrýhanada kóz jumdy. Atalǵan faktimen QR QK-niń «Adam óltirý» faktisimen qylmystyq is qozǵaldy.
Bul týraly Astana qalasy ІІD baspasóz qyzmeti habaralady.
Ótkizilgen jedel-izdeý sharalary kesheniniń barysynda Astana qalalyq ІІD-niń jedel qyzmetkerleri halyqaralyq izdeýde bolǵan 43 jastaǵy Qanat Ǵaısauly Sádýovty ustady.
Polıtsııa qyzmetkerleriniń aqparatynsha, Qanat Sádýov týystarynyń jekemenshik úıiniń jertólesinde arnaıy jabdyqtalǵan bólmede jasyrynǵan.
