Elordalyq polıtseıler «Ámbebap polıtseı» saptyq baıqaýyn ótkizdi
ASTANA. 1 qarasha. QazAqparat - Búginnen bastap jol jáne patrýldik polıtsııa qyzmetteri Ákimshilik polıtsııa basqarmasynyń biryńǵaı qurylymyna qosyldy.
«Ámbebap polıtseı» qyzmet atqarý barysynda azamattardyń jeke jáne múliktik qaýipsizdigin, qoǵamdyq tártipti, jol qaýipsizdigin jáne qylmystardy ashý men qylmyskerlerdi ustaýdy qamtamasyz etedi.
Saptyq baıqaýǵa 150 qyzmetker jáne 50 qyzmettik avtokólik jumyldyryldy.
«Ámbebap polıtseı» saptyq baıqaýyn ótkizý kezinde Jol-patrýldik polıtsııa qyzmetkerleriniń jańa kıim úlgileri, jeń-qap (shevron) belgileri, omyraý belgileri, jetondar nazarǵa usynyldy.
Kezekshi ekıpaj quramyna kóshedegi quqyqbuzýshylyq jáne jol qozǵalysy erejesin buzýdyń aldyn alatyn eki patrýldik jáne bir jol polıtsııasy qyzmetkeri kiredi.
«Jol-patrýldik polıtsııasy qyzmetkerlerinen qoǵamdyq tártipti buzý jaǵdaıynda jedel áreket etýin kútemiz. Oǵan qosa, jol qozǵalysy erejelerin qatań buzýdy aldyn alýdyń tıimdiligi artady»,- dep atap ótti Astana q. ІІD bastyǵynyń orynbasary polıtsııa polkovnıgi Batyrlan Esenbaı.
