Elordalyq polıtseıler altynshy qabattan sekirmek bolǵan áıeldi qutqardy
NUR-SULTAN. QazAqparat – Elordalyq polıtseıler sýıtsıd jasamaq bolǵan áıeldi qutqardy. Olar altynshy qabattaǵy balkonnan sekirmek bolǵan áıeldi ishten kelip ustap úlgerdi, dep habarlaıdy QazAqparat Polisia.kz portalyna silteme jasap.
23 sáýir kúni Nur-Sultan qalalyq PD Jedel basqarý ortalyǵynyń 102 nómirine turǵyndardan habar túsken. Olar D.Qonaev kóshesindegi turǵyn úıde boıjetken 6-qabattaǵy balkonan sekirip ketpek bolyr turǵanyn jatqanyn jetkizgen.
Oqıǵa ornyna úsh mınýttyń ishinde quramynda Patrýldik polıtsııa polkiniń ınspektory Berik Aqkózov pen Farhad Túkenov bar polıtsııa jasaǵy keldi. Olar áınekpen jabylǵan balkonnyń syrtynda aıaǵyn tómenge salyp sekirmek bolyp otyrǵan áıeldi kóredi.
Olar kúızeliste turǵan adamdy sózge tartady. Farhad Túkenov tysta qalyp, áıeldi mundaı aǵat qadamǵa barmaýǵa kóndire bastaıdy. Ekinshi qyzmetker altynshy qabatqa kóterilip, kóp ýaqyt joǵaltpaı esiktiń qulpyn buzyp ishke páterge kirip úlgeredi.
