Elordalyq polıtseıler Aqtóbede qaza tapqan áriptesteriniń otbasylaryna 11,5 mln teńge aýdardy
Qalalyq ІІD baspasóz qyzmetiniń habarlaýynsha, polıtseıler qaza tapqan áskerı qyzmetkerlerdiń otbasylaryna bir kúndik jalaqysyn aýdarý jóninde sheshimdi jalpy jınalys kezinde biraýyzdan qabyldaǵan.
Polıtseılerdiń aıtýynsha, áskerı qyzmetkerler batyrlyq pen erjúrektilik tanytyp, lańkesterdiń qarý men oq-dárilerge qol jetkizbeýi úshin ómirlerin qurban etti. Aqtóbedegi oqıǵa eshkimdi beı-jaı qaldyrǵan joq.
Astana qalalyq Іshki ister departamentiniń polıtseıleri artynda kámelettik jasqa jetpegen tórt balasy qalǵan áskerı qyzmetkerler Berikjan Qalıev pen Danıel Maılybaevtyń otbasylarynyń shottaryna 5 mıllıon teńgeden aýdardy. Sondaı-aq QR ІІM Ulttyq gvardııa áskerı qyzmetkeri Dosbol Sapardyń ata-anasynyń shotyna 1,5 mıllıonǵa jýyq teńge aýdaryldy.
