Elordalyq polıtseıler 500-den astam otbasyǵa kómek kórsetti

ASTANA. QazAqparat - Elordalyq polıtsııa qyzmetkerleri áleýmettik kómek retinde áleýmettik jaǵdaıy tómen otbasylarǵa azyq-túlik sebetterin taratýdy bastady, dep habarlaıdy Astana qalalyq ІІD baspasóz qyzmeti.

Atalmysh aktsııa barysynda polıtsııa qyzmetkerleri qaladaǵy 500-den astam otbasyǵa bardy. Solardyń ishinde «Altyn alqa» ıegerleri - 7, «Kúmis alqa» - 31, oǵan qosa 357 arnaıy memlekettik járdemaqy alatyn jáne Chernobyl apatyna qatysqan azamattar boldy.

Eske sala ketsek, Táýelsizdiktiń 25 jyldyǵyna arnap Astana qalasynyń ákimdigi jalǵyz basty zeınetkerlerge, soǵysy ardagerlerine, múmkindigi shekteýli jandarǵa, áleýmettik jaǵynan az qamtylǵan jáne kóp balaly otbasylarǵa qamqorlyq kórsetý maqsatynda 1 jeltoqsannan bastalǵan «Meıirimdi qala» qaıyrymdylyq aktsııasyn ótkizý bastamasyn kótergen edi. Polıtsııa qyzmetkerleriniń aıtýynsha atalmysh aktsııalar kómekke muqtaj otbasylarǵa materıaldyq kómek kórsetýdiń ońtaıly múmkindigi. Atalmysh aktsııalarǵa qatysý árbir qazaqstandyqqa úlgi retinde bolýy kerek.

Atalǵan aktsııalardyń maqsaty - óz múmkindik pen shama-sharqyna qaraı paıdaly is jasaý jáne qoldaý, sonymen qatar óskeleń urpaqtyń tárbıesine asa den qoıyp, jasy ulǵaıǵan jandarǵa degen qurmettiligin, Otanǵa degen súıispenshilikti, patrıottyq rýh jáne azamattyq jaýapkershiligin arttyrýǵa baǵyttalǵan.
Eske sala ketsek, «QazAqparat» halyqaralyq aqparat agenttiginiń ujymy atalmysh aktsııa barysynda Táýelsizdik merekesine oraı Astana qalasynda turatyn birneshe kóp balaly otbasyǵa syılyq jasaǵan edi.