Elordalyq polıtseıler 20 jyl buryn joǵalǵan adamdy tapty
NUR-SULTAN. QazAqparat - Nur-Sultan qalasy Polıtsııa departamenti basshysynyń atyna joǵalyp ketken týysyn tapqan Oral qalasy turǵynan alǵys hat keldi. Bul týraly QazAqparat Nur-Sultan qalasy Polıtsııa departamentiniń baspasóz qyzmetine silteme jasap habarlaıdy.
«Oral turǵyny Natalıa Konstantınovna ýchaskelik polıtsııa ınspektory, polıtsııa kapıtany Kópjasar Júsipovke 20 jyl boıy izdegen týysyn taýyp bergeni úshin alǵys aıtty», - delingen baspasóz habarlamasynda.
Ol týysyn tabý maqsatynda elordadaǵy Polıtsııa departamentiniń kezekshi bólinime habarlasqan. Oǵan joǵalyp ketken er adamnyń turýy múmkin aýdanǵa jaýapty ýchaskelik polıtsııasynyń nómirin bergen.
«Áıel ýchaskelik polıtsııadan 20 jyl buryn joǵaltqan týysyn taýyp berýdi ótingen. Ol 2 kún ishinde er adamdy taýyp, Oralǵa jetýine kómektesken. Er adamnyń turǵylyqty meken-jaıy bolmaǵan jáne ártúrli oraıy kelgen jumystardy istegen. Polıtsııa qyzmetkeri oǵan azyq-túlik pen poıyzǵa bılet satyp alyp bergen. Ony Oraldaǵy týysy kútip aldy», - delingen habarlamada.
