Elordalyq órt sóndirýshiler janyp jatqan páterden adamdy qutqardy
ASTANA. QazAqparat – Astanadaǵy kópqabatty úılerdiń birinde órt shyǵyp, páterde bolǵan jas jigit qutqaryldy, dep habarlaıdy QazAqparat Tótenshe jaǵdaılar mınıstrligine silteme jasap.
«Búgin saǵat 15:55-te Astana qalasy TJD Órt sóndirý bólimsheleri Baıtursynov kóshesinde páter órtenip jatqany týraly kelip túsken habarlamaǵa shyqty. 6 mınýttan keıin shaqyrý ornyna kezekshi qaraýyl keldi. Onda 30 sh.m. aýmaqta úı jıhazdary, zattar janyp jatqany anyqtaldy. Órt sóndirýshilerdiń kúshimen órt 16.28-de oqshaýlanyp, 16.44-te sóndirildi. Órtti sóndirý barysynda elordalyq órt sóndirýshiler janyp jatqan páterden 1996 jylǵy páter ıesi – er adamdy qutqardy. Órtti sóndirýge Astana qalasy TJD jeke quramynyń 22 adamy jáne 4 tehnıkasy jumyldyryldy», - delingen habarlamada.
