Elordalyq oralmandardy memlekettik qordan turǵyn úı kezeginen alyp tastaýy múmkin

ASTANA. Qazaqparat - Memlekettik qordan turǵyn úıge kezekten elordalyq oralmandardy alyp tastaýy múmkin. Sondaı-aq tizimnen jeke kezekke qoıylatyn áskerı qyzmetshilerdi alyp tastaý máselesi tur. Olarǵa jeńildikpen kredıtteý jaǵdaıy oılastyrylýy múmkin, dep habarlady Elorda.info .

Memlekettik qordan turǵyn úıge kezekke turǵan repartıanttardy kezek    tiziminen alyp tastaýdy usyndy, dep habarlady máslıhattyń turaqty komıssııasynyń otyrysynda qalalyq turǵyn úı basqarmasynyń basshysy Rýslan Ahmetov.

«Biz úkimetke birneshe ret usynys tastadyq, áli kúnge deıin bul sanatty kezekten alyp tastaý qajettigin talap etip kelemiz. Bul usynysymyzdy úkimet qazir belsendi talqylaý ústinde», - dedi R. Ahmetov.

Onyń aıtýynsha, múlikti ıelikten aıyrǵan sátten bastap besjyldyq merzimge qatysty máseleni Astana ákimimen talqylaýda. «Eger adam memlekettik qordan bir kezderi páter alsa, ony taǵy bir úı alýdan shekteý qajet», - dep atap ótti ol.

Kvota boıynsha oralmandar Qazaqstan aýmaǵynda turǵyn úı ornyna aqshalaı ótemaqy alýǵa quqyq beretin óńirlerdiń birine bara alatyny belgili. Ony derekqorǵa tirkeý múmkin emes, sodan keıin olar  elordaǵa keledi de, turǵyn alýǵa kezekke turady.

Turǵyn úı basqarmasyna kezekke turǵan kezde birinshi kezekte onyń keminde úsh jyl astanada tirkeýde turǵany, respýblıka aýmaǵynda úıiniń bar-joǵy  tekseriledi.

«Vechernıaıa Astana» gazetiniń habarlaýynsha, budan basqa turǵyn úıge tizimnen  jeke kezekke qoıylatyn áskerı qyzmetshilerdi de alyp tastaý máselesi qaralmaq. Olarǵa jeńildikpen kredıtteý jaǵdaıy oılastyrylady.   

Osylaısha basqarma kezekte turǵandar sanyn eki ese qysqartýǵa nıetti.

Búginde kommýnaldyq turǵyn úı qorynan páterge muqtaj jandar sany 45 516.

Oralmandar - kórshi elderden Qazaqstanǵa qonystanǵan repatrıant qazaqtar   (Ózbekstan, Qytaı, Mońgolııa, Túrkmenııa, Reseı, Qyrǵyzstan), sondaı-aq  Azııanyń birqatar  (Iran, Aýǵanstan, Pákistan jáne t.b.) elderinen kelgen.

Resmı derekterge sáıkes, 25 jylda (1991 jyldan bastap 2016 jylǵy 1 qańtardaǵy jaǵdaı boıynsha) Qazaqstanǵa 957 764 oralman kelgen. Eger olardyń urpaqtaryn, sondaı-aq qonys aýdarý boıynsha memlekettik baǵdarlamanyń kómeginsiz kelgenderdi eskersek, 1 mln-nan asyp ketedi (respýblıka qazaqtarynyń 10 paıyzy).

Oralmandardyń eń kóp shoǵyrlanǵan jeri Ońtústik Qazaqstan, Almaty, Mańǵystaý oblysy, onyń ishinde Jańaózen, sondaı-aq Almaty, Astana jáne Taraz qalalary.

2014 jyldan bastap Astana men  Almaty qalalaryna shet elden kelgen qazaqtardyń qonys aýdarýyna shekteý qoıyldy.