Elordalyq oqýshylarǵa jol qaýipsizdigi erejeleri mýltserıaldardyń kómegimen oqytylady
ASTANA. 8 qańtar. QazAqparat - Jańa jyldyń alǵashqy oqý kúni, 9 qańtarda «Arsenal» kınoteatrynda jol qozǵalysy qaýipsizdigi týraly oqytatyn alǵashqy anımatsııalyq serıaldyń tusaýkeser kórsetilimi ótedi. Bul týraly Astana qalasynyń resmı saıty Jol polıtsııasy basqarmasyna silteme jasap habarlady.
Anımatsııalyq fılmniń basty keıipkeri - jan-jaqty Joldos kez kelgen jaı adamdarda kezdese bermeıtin qabiletimen daralanady: asqan kúsh ıesi, keńestikte jelmen jarysqan jelaıaq. Ol serıal keıipkerlerin jol qaýipsizdigine úıretip qana qoımaıdy, apatty jaǵdaılardyń qalaı aldyn alýǵa bolatyndyǵyn da biledi.
«Qazaqstan úshin atalǵan jobanyń biregeıligi sonda, mýltfılmder jolda júrý erejesin oqytýdyń ınteraktıvtik túri bolyp tabylady. Ári ol qazaq jáne orys tilderinde «sóıleıdi», - delingen habarlamada.
Alǵashqy kórermen qala mektepteriniń 600-den astam oqýshysy bolmaq. Tusaýkeserge Qazaqstannyń bokstan eńbek sińirgen sport sheberi, HHH Olımpıada oıyndarynyń qola júldegeri Marına Volnova, taǵy basqalar qatysady.
