Elordalyq oqýshylarǵa bıylǵy oqý jylynyń qorytyndysy boıynsha baǵa qalaı qoıylady
NUR-SULTAN. QazAqparat – Nur-Sultan qalalyq bilim basqarmasynyń basshysy Sholpan Qadyrova oqýshylarǵa bıylǵy oqý jylynyń qorytyndysy boıynsha baǵa qalaı qoıylatynyn túsindirip berdi, dep habarlaıdy QazAqparat tilshisi.
«Bilim jáne ǵylym mınıstrliginiń buıryǵyna sáıkes, bıyl 9-shy jáne 11-shi synyptarǵa qorytyndy attestattaý bolmaıdy. Qorytyndy baǵalar jyldyq nátıjeler boıynsha qoıylady. Aptasyna 2 jáne odan kóp saǵat júktememen oqý pánderi boıynsha BJB (Bólim boıynsha jıyntyq baǵalaý) ótkizý merzimi - 2020 jyly 4 -11 mamyr aralyǵynda, al aptasyna 1 saǵat júktememen oqý pánderi boıynsha BJB ótkizý merzimi 2020 jyldyń 11-15 mamyr aralyǵynda ótedi», - dedi Sholpan Qadyrova baspasóz máslıhatynda.
Toqsan boıynsha jıyntyq baǵalaý (TJB) 1 ret ótedi. Ótkizý ýaqyty BJB boıynsha 20, TJB boıynsha 40 mınýtty alady.
«1-4 synyp oqýshylary úshin BJB jáne TJB ótkizý ýaqyty shektelmeıdi. BJB jáne TJB sany bir kúnde úsh jıyntyq jumystan aspaýy tıis. Kórkem eńbek, ózin-ózi taný, mýzyka, dene shynyqtyrý, bıznes jáne kásipkerlik negizderi, grafıka jáne jobalaý, qoǵamtaný, dintaný pánderi boıynsha bólim boıynsha baǵalaý jáne toqsan boıynsha baǵalaý bolmaıdy. BJB jáne TJB ótkizý úshin pedagog jıyntyq jumystyń oqý tapsyrmalaryn júktep, jıyntyq jumysty tapsyrý úshin synyp oqýshylarynyń kirýin jáne ártúrli baılanys quraldarymen qamtamasyz ete otyrypǵ bilim berý platformalaryn paıdalana alady», - dedi ol.
Kúndelik.kz jáne kez kelgen qoljetimdi baılanys quraldary (elektrondyq poshta, chat) arqyly bilim alýshylarmen, balanyń ata-analarymen nemese zańdy ókilderimen elektrondyq formattaǵy pikir almasý boıynsha keri baılanys ornatylady.
