Elordalyq oqýshylarǵa 5 myń asyq syıǵa tartylady
NUR-SULTAN. QazAqparat - Asyq atý ulttyq oıynyn balalar arasynda nasıhattaý maqsatynda elordalyq balalarǵa 5 myń asyq syıǵa beriledi. Bul týraly Nur-Sultan qalasy Mádenıet jáne sport basqarmasynyń basshysy Bolat Majaǵulov málim etti, dep habarlaıdy QazAqparat tilshisi.
«QR Ulttyq sport qaýymdastyǵy elordalyq oqýshylarǵa 5 myń asyqty syı retinde bergeli otyr. Ondaǵy maqsat - ulttyq oıynymyzdy jasóspirimder arasynda keńinen taratyp, dáripteý. Asyqtardy astanalyq mektepter men aýla klýbtaryna beretin bolamyz. ıAǵnı balalar ózdigimen oınap úırenýleri úshin. Asyq atý burynnan kele jatqan oıyn. Sondyqtan jas jetkinshekter arasynda ulttyq qundylyqty nasıhattaý jaqsy ıdeıa degen oıdamyn», - dedi Bolat Majaǵulov.
Odan bólek, basqarma basshysy 1 maýsym - Halyqaralyq balalardy qorǵaý kúni merekesine oraı «Hanshatyr» saýda, oıyn-saýyq ortalyǵy alańynda baldyrǵandarǵa arnalǵan alań jumys isteıtinin aıtyp ótti.
«Onda balalarǵa qýyrshaq teatrynyń qoıylymdary usynylyp, asyq atý jáne láńgi tebýden oıyndar ótedi. Sondaı-aq, otbasylarǵa arnalǵan estafetalyq jarystar uıymdastyrylady», - dedi ol.
