Elordalyq oqýshylar joldardaǵy qaýipsizdik tártibimen tanysty
ASTANA. 23 qazan. QazAqparat - Astanada JPB qyzmetkerleri №67 mektep-gımnazııasynda bastaýysh synyp oqýshylarymen «Jol qozǵalysy qaýipsizdigi sabaǵyn» ótkizdi. Bul týraly Jol polıtsııasy basqarmasyna silteme jasap astana.kz habarlady.
Astana qalasy JPB ınspektory Ǵalııa Abakanova oqýshylarǵa jol qozǵalysy erejeleri, joldyń qandaı bólikterden turatyny, jol belgileri men baǵdarshamdardyń qajettiligi, marshrýttyq avtobýsty qaı jerde kútý keregi jáne jolda ózin-ózi ustaný týraly aıtyp berdi. Balalarǵa mýltfılmder kórsetilip, túrli baıqaýlar ótkizildi. Sabaq sońynda oqýshylarǵa joldardaǵy qaýipsizdik týraly aqparattyq kitapshalar men jadynamalar taratyldy. Іs-sharanyń maqsaty balalardyń jol-kólik apattarynan jaraqattanýyn azaıtý bolyp tabylady. JPB qyzmetkerleriniń aıtýynsha, ár adam jol qozǵalysy erejelerin saqtaýǵa mindeti. Balalarǵa jolda júrý erejelerin kishkentaıynan túsindirýdiń mańyzy zor.
