Elordalyq oqýshylar Reseıde halyqaralyq baıqaýda jaqsy nátıjelerge qol jetkizdi

Bul týraly astana.kz saıtyna «Astana daryny» respýblıkalyq óńirlik ǵylymı-praktıkalyq ortalyǵynan habarlady.

Reseıde Protvıno qalasynda 26 qańtardan 2 aqpanǵa deıin HYІІІ «Kompıýterlik fızıka-2014» halyqaralyq baıqaýy ótti. Týrnırdiń maqsaty - irgeli ǵylymdarǵa jáne ınformatıkaǵa qyzyǵýshylyq tanytatyn daryndy balalardy izdeý, irikteý jáne zııatkerlik-shyǵarmashylyq qoldaý kórsetý.

Týrnırdiń basty mindetteriniń biri fızıka, matematıka jáne ınformatıka salasynda balalardyń shyǵarmashylyq qyzmetin belsendirýdiń áldeqaıda tıimdi formalaryn jáne quraldaryn izdeý bolyp tabylady. «Astana daryny» ortalyǵynyń atap ótýinshe, elordalyq oqýshylar baıqaýda jaqsy nátıjeler kórsetti.

«Elordalyq oqýshylar joǵary nátıjege qol jetkizdi. 76 adamnan (41 joba) qurylǵan Astana qalasynyń komandasy júldeli oryndar aldy, sonyń ishinde 41- birinshi oryn (22 joba), 17 adam ekinshi oryn (9 joba) jáne 18 oqýshy 3 oryn (10 joba) aldy. Baıqaýǵa qatysýshylar baǵaly syılyqtarmen jáne júldelermen marapattaldy», - delingen habarlamada.

Sonymen qatar, «Kompıýterlik fızıka» halyqaralyq týrnıriniń aıasynda úsh týrdan turatyn «Kompıýterlik shyǵarmashylyq» baıqaýy ótkizildi: «Kompıýterlik oıyn baıqaýy», «Vırtýaldy fızıkalyq zerthana» jáne «Ǵylymı jobalardy jeke jáne toptyq qorǵaý». Oǵan Qazaqstan Respýblıkasynyń jáne Reseı Federatsııasynyń komandalary qatysty. Barlyǵy 530 oqýshy, sonyń ishinde 440 oqýshy Qazaqstannan kelgen. Baıqaý qorytyndysy boıynsha 220 oqýshy marapattaldy.