Elordalyq oqýshylar ózderin polıtsııa rólinde sezinip kórdi
ASTANA. QazAqparat - Astanada 16-20 qazan aralyǵynda «Men jáne meniń polıtseıim» aktsııasy ótti. Jergilikti polıtsııa qyzmetiniń ıývenaldyq bólimi balalardyń ózderin polıtsııa rólinde bolýǵa múmkindik jasady, dep habarlaıdy «QazAqparat» HAA tilshisi
Aktsııa aıasynda elordalyq polıtseıler balalardy Astana ІІD ákimshilik ǵımaratyn, Jedel basqarý ortalyǵy men Kınologııalyq ortalyqty aralatyp, jaýapty mamandyqtyń qyr-syrymen tanystyrdy.
«Aktsııanyń ekinshi kúni - 17 qazanda Oqýshylar saraıy alańynda balalardy arnaıy tehnıkalar jáne qyzmettik ıttermen tanystyrdyq. Olar qyzmettik avtokólikterge, Memleket basshysynyń kortejyna ilesip júretin mototsıklderge otyrdy, arnaıy úıretilgen ıtterge tapsyrma berip, ózderin polıtsııa rólinde kórýge múmkindik týdy. Úshinshi kúni balalar ІІM jáne ІІD mýzeılerin aralap, Otan úshin janyn qıǵan qazirgi zamanǵy batyrlar týraly málimetterge qanyq boldy», - dep atap ótti Astana qalasy ІІD JPQ ıÝPB bastyǵy, polıtsııa podpolkovnıgi Samal Ahmet.
Samal Ahmettiń aıtýynsha, qazirgi tańda Astana qalalyq ІІD esebinde 222 bala tur. Bul ótken jylǵy kórsetkishpen salystyrǵanda 1,5%-ke az. Bıyl kámeletke tolmaǵandar arasynda 130 qylmys jasalǵan.
Jalpy, aktsııaǵa 25 mekteptiń bastaýysh synyp oqýshylary men 5-7 synyp aralyǵyndaǵy 30 shaqty oqýshy qatysqan.
