Elordalyq oqýshylar Máskeýdegi olımpıadadan júldeli oraldy
ASTANA. QazAqparat - 4-9 qyrkúıek aralyǵynda Máskeýde iri qalalardyń ekinshi halyqaralyq olımpıadasy ótti, dep habarlaıdy elordalyq ákimdiktiń medıa ortalyǵy .
Intellektýaldy jarysqa álemniń 36 elinen kelgen bilimdiler qatysty. Atap aıtqanda - Ábý-Dabı, Mılan, Gannover, Gonkong, Tel-Avıv, Helsınkı, Chendý, Ystanbul, Beıjiń, Rıga, Rım, Shanhaı, Býdapesht, Vena, Ierýsalım jáne basqa da qalalardyń oqýshylary.
Jalpykomandalyq esepte Astana komandasy úshinshi orynǵa ıe boldy, ol óz aldyna Beıjiń, Rım, Gannover, Ierýsalım, Ábý-Dabı syndy elderden basa ozdy. Oqýshylar hımııa, matematıka, fızıka jáne ınformatıka syndy pánderden ózara synǵa tústi. Olımpıada tapsyrmalarynyń kúrdelilik deńgeıi - IPhO fızıka boıynsha halyqaralyq olımpıadasy men AphO fızıka boıynsha Azııa olımpıadasynan kem emes.
Astana komandasyn qalanyń túrli mektepterinen 8 oqýshy qatysty. Qurama komandanyń qorjynynda 6 qola medal bar.
Danat Dúısenbekov (matematıka), Aıan Dáýletııarov (matematıka), Ámirhan Baılın (fızıka), Arlan Qalın (fızıka), Dııar Ermek (ınformatıka), Dánel Batyrbek (ınformatıka), Azat Jolamanov (hımııa) jáne Nurjan Nurtaev (hımııa) marapatqa ıe boldy.
«Biz bizdiń oqýshylarymyz úshin alańdadyq. Ásirese halyqaralyq deńgeıdegi olımpıada alǵashqy bolyp shyqqan Ámirhan Baılın men Arlan Qalınǵa jankúıer boldyq. Olar 10 synyp oqýshylary. Bizdiń oqýshylarymyz joǵary deńgeıde óner kórsetti. Aldaǵy ýaqytta olar odan da bıik belesterge jetedi dep oılaımyz», - dedi Astana komandasynyń fızıka páni boıynsha jattyqtyrýshy Darhan Shadykúl.
