Elordalyq oqýshylar koronavırýsqa qarsy ekpeni qaıda saldyrady
NUR-SULTAN. QazAqparat – Elordalyq oqýshylar koronavırýsqa qarsy ekpeni qaıda saldyrady? Bul suraqqa Nur-Sultan qalasynyń qoǵamdyq densaýlyq saqtaý basqarmasynyń basshysy Tımýr Muratov jaýap berdi, dep habarlaıdy QazAqparat.
Qalalyq máslıhattaǵy turaqty komıssııanyń otyrysynda depýtattar koronavırýs ınfektsııasyna qarsy vaktsınalaýǵa qatysty oqýshylardyń ata-analaryn aqparattandyrý jumystary belsendi túrde bastalǵanyn atap ótti.
Otyrysta máslıhat depýtattary mektep oqýshylaryn vaktsınalaýdy mektepterde emes, emhanalarda júrgizýdi surady, óıtkeni ata-analardyń vaktsınaǵa kelisimi qajet jáne balalaryn ózderi ertip júrýi kerek.
«Birinshi kezeńde biz mindetti túrde tek emhanada vaktsınalaımyz, óıtkeni vaktsına jańa, ony jan-jaqty qarastyramyz. Ári qaraı balalar jappaı vaktsına alýdy qalasa, oryn máselesin sheshýge tyrysamyz», - dep jaýap berdi Tımýr Muratov.
