Elordalyq oqýshylar Ispanııada fýtboldan halyqaralyq chempıonattyń kúmis júldegerleri atandy
ASTANA. QazAqparat - Jas fýtbolshylar Ispanııada «Deportıvo Nýmansııa» FK 70 jyldyǵyna oraı balalar arasynda ótken halyqaralyq týrnırde 2-oryn aldy. Júldegerlerdi ıspanııalyq fýtbol komandasynyń jetekshisi Vısente del Boske quttyqtady, dep habarlady astana.gov.kz saıty Astana qalasynyń týrızm, dene tárbıesi jáne sport basqarmasynyń baspasóz qyzmetine silteme jasap.
1 - 10 qarashada fýtbolshylar mektep demalysy kezinde Ispanııanyń Sorııa qalasynda bolyp qaıtty. Oqýshylar eki rettik jattyǵýǵa qatysyp, dóńgelek júıesimen jergilikti komandalarmen 30 mınýttyq eki taımnan kezdesý ótkizdi. Otandyq komanda laıyqty óner kórsetip, «Deportıvo Nýmansııa» balalar akademııasynyń quramasyna ǵana ese jiberdi jáne «San Hose» komandasymen teń oınady.
Jas astanalyqtar úshin mádenı baǵdarlama uıymdastyryldy. Olar Madrıd pen Sorııanyń kórikti jerlerimen tanysty, Ispanııa chempıonatynyń ekinshi dıvızıondaǵy «Deportıvo Nýmansııa» jáne Saragosa komandalarynyń arasyndaǵy kezdesýdi tamashalady.
«Deportıvo Nýmansııa» klýbynyń dırektory Sesar Palasıos qazaqstandyqtardyń bul sapary qabyldaýshy tarap úshin de mańyzdy ekenin atap ótti.
«Bul eki memleket arasyndaǵy mańyzdy mádenı almasý, jas fýtbolshylar úshin ıspandyq fýtboldaǵy jattyǵýlar, mindetter týraly bilý, sonymen qatar, balalar fýtbolyn damytýdyń bapkerlik ádisterimen tanysý múmkindigi», - dedi Palasıos.
Óz kezeginde, astanalyq №8 MORBJSM bapkeri Vıktor Baltabaev ıspandyq balalar fýtbolynyń damý erekshelikterin atap ótip, osy sapardy uıymdastyrǵandary úshin alǵys aıtty.
«Biz basqa memleketke kelsek te, múlde basqa álemge túskendeımiz. Tipti, kishkentaı qalalardyń ózinde fýtbol joǵary deńgeıde damyǵan. 400 bala jattyǵatyn keremet bes alańdy kórip, tań qaldyq. Fýtbol akademııasy shaǵyn, biraq óte syıymdy. Árbir topta eki fýtbolshy ǵana jattyǵady. Osy ýaqyttyń ishinde kóp nársege úırendim, ony mindetti túrde Astanada praktıkada qoldanatyn bolamyn. Balalarǵa bergen múmkindik úshin Astana ákimdigine de, fýtbol federatsııasyna da alǵys aıtamyn. Bul olar úshin baǵa jetpes tájirıbe», - dedi Baltabaev.
Eske salaıyq, elordalyq №40 orta mektep komandasy jazda fýtboldan mektep lıgasynda jeńiske jetti jáne bas júlde retinde Ispanııaǵa joldamaǵa ıe boldy. Sonymen qatar, Ispanııaǵa Lıganyń úzdik tórt oıynshysy da attandy. Astana qalasynyń fýtbol federatsııasy men elorda ákimdiginiń qoldaýymen Mektep lıgasy aıasynda fýtboldan jarys úshinshi ret ótkizildi.
