Elordalyq oqýshylar «Elbasy - el tiregi» zııatkerlik saıysynda baq synady (FOTO)

ASTANA. QazAqparat - El mereıin asqaqtatar merekelerimizdiń biri ári biregeıi ol - QR Tuńǵysh Prezıdenti kúni. Osyǵan oraı 26 qarasha kúni elordada Álkeı Marǵulan atyndaǵy №40 orta mektepte 8-9 synyptar arasynda «Elbasy - el tiregi» zııatkerlik saıysy ótti, dep habarlaıdy Astana qalalyq bilim basqarmasynyń baspasóz qyzmetinen.

Bes kezeńnen turatyn saıystyń ár kezeńi el tarıhymen, Elbasy ómirimen tyǵyz baılanysty boldy. «Táýelsizdik shejiresi» alǵashqy aınalymynda táı-táı basqan Qazaq tarıhynyń aıtýly datalary jasyrylsa, ekinshi kezeń «Báıge» - Elbasy ómiri men qyzmet jolyna arnaldy. Prezıdent armanynan týǵan Alashtyń astanasy - arý qala da saıystan tys qalmady.

Oqýshylar ekranda jasyrylǵan qalanyń ásem ǵımarattarynyń ataýyn ǵana emes, memlekettik mańyzyn túgel derlik biletindikterin dáleldep, besinshi kezeńdegi el basqarýdaǵy zań normalarynan da súrinbeı ótti. Saıys qorytyndysynda 9 «V» synyby oqýshylarynan quralǵan «Alash» komandasy І oryndy ıelendi.